საქართველოს პრემიერ-მინისტრი ირაკლი ღარიბაშვილი ამერიკის შეერთებული შტატების ვიცე-პრეზიდენტს ჯოზეფ ბაიდენს შვილის გარდაცვალების გამო თანაგრძნობას უცხადებს.
„ძვირფასო ვიცე-პრეზიდენტო, ძალიან დამამწუხრა ცნობამ, თქვენი ვაჟის გარდაცვალების შესახებ. მიიღეთ ჩემი ღრმა თანაგრძნობა და გულწრფელი სამძიმარი. ჩვენი ფიქრები არის თქვენთან და თქვენი ოჯახის წევრებთან ამ რთულ მომენტში. სიტყვები არ კმარა ამ უდიდესი დანაკარგის გადმოსაცემად. კიდევ ერთხელ გიცხადებთ უდიდეს თანაგრძნობას“, - ნათქვამია ირაკლი ღარიბაშვილის სამძიმრის წერილში.
ჯოზეფ ბაიდენის შვილი, ბო ბაიდენი გუშინ, 46 წლის ასაკში, ტვინის სიმსივნით გარდაიცვალა.
