საქართველოს პარლამენტის დელეგაცია ევროსაბჭოს საპარლამენტო ასამბლეაში მონაწილეობის მისაღებად დღეს და ხვალ გაემგზავრება. როგორც პარლამენტის ევროინტეგრაციის კომიტეტის თავმჯდომარე დავით დარჩიაშვილი განმარტავს, დელეგაციის ნაწილი სტრასბურგში დღეს გაემგზავრება, ნაწილი კი გამგზავრებას ხვალისთვის გეგმავს. თავად ევროსაბჭოს საპარალმენტო ასამბლეის სესია მომავალ კვირას დაიწყება და 30 აპრილს დაიხურება.
აღსანიშნავია, რომ ევროსაბჭოს საპარალმენტო ასამბლეის საგაზაფხულო სესიაზე გაიმართება დებატები რუსეთ-საქართველოს საკითხების განხილვისათვის. სხდომის დღის წესრიგის პროექტით, 2008 წლის აგვისტოს ომსა და მის შედეგებზე მოსმენა და ჰაიდი ტალიავინის მიერ მომზადებული ცნობილი დაკსვნის განხილვაა გათვალისწინებული.
რუსეთ-საქართველოს საკითხზე მომხსენებლები ევბროსაბჭოს საპარლამენტო ასამბლესი მონიტორინგის კომიტეტის წარმომადგენლები მათიას იორში და დევიდ უილშაიერი არიან. ისინი ცოტა ხნის წინ საქართველოში იმყოფებოდფნენ და ოფიციალურ პირებთან გამართული შეხვედრების გარდა ვითარებას ოკუპირებულ ზონებშიც გაეცნენ. მონიტორინგის კომიტეტის წარმომადგენლები ასევე იმყოფებოდნენ მოსკოვშიც, სადაც შეხვედრები გამართეს რუსეთის ხელისუფლების წარმომადგენლებთან.
