დამოუკიდებლობის დღეს ბათუმშიც ზეიმობენ. ზღვისპირა ქალაქში სხვადასხვა სახის კულტურული ღონისძიებებია დაგეგმილი. ბათუმი დღეს კიდევ ერთ მნიშვნელოვან მოვლენას აღნიშნავს. ფესტივალ "თბილისი 2015-ის ორგანიზატორები ოლიმპიური ცეცხლის დასახვედრად ემზადებიან. ანთებულ ჩირაღდანს საქართველოში დღეს ჩარტერული რეისით საბერძნეთიდან ჩამოიტანენ. ბათუმის საერთაშორისო აეროპორტში საზეიმო ცერემონია გაიმართება, საიდანაც ესტაფეტა დაიწყება. ცნობილია, რომ ანთებულ ჩირაღდანს აეროპორტიდან ტანვარჯიშის ფედერაციის პრეზიდენტი რუსუდან სიხარულიძე გამოიტანს და მეჩირაღდნეს გადასცემს. მასშტაბურ ესტაფეტაში სულ 22 მეჩირაღდნე და წარმატებული სპორტსმენი მიიღებს მონაწილეობას.
