"მოძრაობა სამართლიანი საქართველოსთვის" თავმჯდომარის მოადგილის, ჩუღურეთის რაიონის მაჟორიტარი დეპუტატობის კანდიდატის ლევან როინიშვილის განცხადებით, თბილისში უმნიშვნელოვანეს პრობლემად ნარკომანია იქცა.
"ხელისუფლებამ ყველაზე მეტი თანხა ამ სენით დაავადებულთა სამკურნალოდ და სარეაბილიტაციო ცენტრების ასაშენებლად უნდა გამოყოს", - აღნიშნა როინიშვილმა დღეს, "ეროვნული საბჭოს" წინასაარჩევნო კამპანიის ფარგლებში ჯანდაცვის პროგრამის პრეზენტაციაზე.
ამასთან, როინიშვილს მიაჩნია, რომ ჯანდაცვის ბიუჯეტი ორჯერ უნდა გაიზარდოს და მთელი ეკონომიკის 4% გახდეს.
შეგახსენებთ, რომ "ეროვნული საბჭოს" წარმომადგენლებმა ჯანდაცვის პროგრამის პრეზენტაცია სიმბოლურად "მშვიდობის ხიდის" და პრეზიდენტის სასახლის ფონზე გამართეს.
