23 მაისს საქართველოს ვიცე-პრემიერი, ეკონომიკისა და მდგრადი განვითარების მინისტრი გიორგი კვირიკაშვილი ლილოში მდებარე „კასტელის“ ლუდის ქარხანაში ბავარიული სამეფო ლუდის „კალტენბერგის“ საქართველოში პირველად ჩამოსხმის ოფიციალურ ცერემონიას დაესწრო. ღონისძიებაშიმონაწილეობდა ბავარიის პრინცი ლუიპოლდრუპრეჰთ ჰაინრიხი (LuitpoldRupprechtHeinrichPrinz), რომელიც საქართველოში ოფიციალური ვიზიტით იმყოფება.
საქართველოს ვიცე-პრემიერმა გიორგი კვირიკაშვილმა და ბავარიის პრინცმა ლუიპოლდრუპრეჰთჰაინრიხმა დაათვალიერეს ლილოში მდებარე „კასტელის“ ლუდის ქარხანა, სადაც გერმანული ტექნოლოგიების დაცვით ლუდი „კალტენბერგის“ ჩამოსხმა დაიწყო.
საქართველოს ვიცე-პრემიერის გიორგი კვირიკაშვილის განცხადებით, სასიხარულოა, რომ საქართველოში შემოდის ისეთი ცნობილი ლუდი, როგორიცაა კალტენბერგი. განხორციელდა 3,5 მილიონი ევროს ინვესტიცია ადგილობრივ პარტნიორთან, ბიზნესმენ თემურ ჭყონიასთან ერთად. მისი განცხადებით, მნიშვნელოვანია, რომ „კასტელის“ ლილოს ქარხანაში 300-მდე ადამიანია დასაქმებული. გარდა ამისა, დაგეგმილია, რომ „კალტენბერგის“ სავაჭრო ნიშნით საქართველოში მოხდება სარესტორნო ქსელის განვითარებაც, რაც, საქართველოს ვიცე-პრემიერის განცხადებით, უფრო მეტ ინვესტიციას და მეტი ახალი სამუშაო ადგილების გაჩენას ნიშნავს.
კომპანია „კასტელმა“ ლილოს ლუდის ქარხნის გადაიარაღებისათვის და უმაღლესი გერმანული სტანდარტების მისაღწევად 3 მილიონ ევროზე მეტი ინვესტიცია განახორციელა. მიმდინარე წლის ბოლომდე საქართველოში იგეგმება 5 მილიონი ლიტრი გერმანული სამეფო ლუდი გაყიდვა. ხელშეკრულება, რომელიც ითვალისწინებს საქართველოში დამზადებული ბავარიული სამეფო ლუდის ექსპორტს, სომხეთს და აზერბაიჯანსაც მოიცავს, სადაც საექსპორტოდ გამზადებული ლუდის რაოდენობა ათეულობით მილიონი ლიტრი იქნება.
ბავარიის სამეფო ოჯახი ლუდ „კალტენბერგს“ მსოფლიოს მხოლოდ რამდენიმე ქვეყანაში, ბავარიის სამეფო სტანდარტებთან შესაბამისად და „ბავარიული სიწმინდის კოდექსიის“ დაცვით მეთორმეტე საუკუნიდან აწარმოებს. კოდექსი მეთექვსმეტე საუკუნეში, კალტემბერგის სამეფო ლუდის მფლობელი ოჯახის წარმომადგენელმა, ჰერცოგმა უილიამ VI-მ შემოიღო, რომლის აღიარებით ლუდის მხარშველები პირობას დებდნენ, რომ ლუდის მოსახარშად მხოლოდ ნატურალურ და მაღალი ხარისხის ინგრედიენტებს გამოიყენებდნენ.
