ამერიკის შეერთებული შტატები საქართველოს ხელისუფლებას ქვეყნის ტერიტორიაზე შეტანილი რადიოაქტიური ნივთიერებების მოძიებისა და ამოღებაში დახმარებას პირდება.
ამის შესახებ სახელმწიფო დეპარტამენტის პრესმდივანმა ფილიპ კროულიმ ვაშინგტონში გამართულ პრესკონფერენციაზე განაცხადა.
"ჩვენ საქართველოსთან ვთანამშრომლობთ. დიდი სამუშაო ჩავატარეთ, რათა ქართველებს საკუთარი საზღვრების უკეთ დაცვა შეძლებოდათ. მაგრამ, ცხადია, გავაგრძელებთ მუშაობას და ვეცდებით დავადგინოთ, საქართველოს კიდევ რა სახის დახმარება სჭირდება", - აღნიშნა ფილოპ კროულიმ.
ამასთან, მისივე შეფასებით, მარტო შეერთებულ შტატებს კი არა, საერთაშორისო თანამეგობრობასაც შეუძლია, თბილისს დახმარება აღმოუჩინოს, რათა საქართველოს უნარი გაიზარდოს, რომ ამ უკანასკნელმა რეგიონში გამდიდრებული ურანის მოძრაობა აღკვეთოს.
