მშრალ ხიდთან დაჭრილი სამი არასრულწლოვნის მდგომარეობა კვლავ მძიმეა. მათ შორის ყველაზე უმცროსი 14 წლის ლუკა ბაკაევი ამ დრომდე იაშვილის სახელობის კლინიკის რეანიმაციულ განყოფილებაში რჩება.
ექიმების შეფასებით მისი მდგომარეობა მძიმეა თუმცა სტაბილური. ვინ დაჭრა მოზარდები ეს ჯერჯერობით დაუდგენელია. თვითმხილველების მტკიცებით, დამნაშავე განსაკუთრებული სისასტიკით გამოირჩეოდა და ბასრი იარაღით სამი მოზარდის დაჭრას ერთდროულად სცილობდა.
დაპირისპირების მიზეზი უცნობია. მომხდარზე აღძრულია სისხლის სამართლის საქმე. სამართალდამცავები 20 დან 25 წლამდე ასაკის მამაკაცს ეძებენ. თვითმხილველთა და დაზარალებულთა ჩვენების საფუძველზე შექმნილია ეჭვმიტანილის ფოტორობოტიც.
