გურჯაანის მუნიციპალიტეტის სოფელ ველისციხეში საგანგებო მდგომარეობაა. შს სამინისტროს სამაშველო სამსახურები მოსახლეობის ევაკუაციას ახდენენ.
როგორც კახეთის საინფორმაციო ცენტრისთვის გახდა ცნობილი, წვიმების შედეგად სოფელ ჭერმის თავში მდებარე წყალსაცავში წყლის რაოდენობა გაიზარდა, დამცავი ჯებირი დაზიანდა და შესაძლოა, რომ წყალი გადმოვიდეს და ველისციხეს გადაუაროს.
კახეთის გუბერნატორის პირველი მოადგილის გიორგი სიბაშვილის განცხადებით, ამ წუთებში დაახლოებით 300-მდე ოჯახის ევაკუაცია ხდება. „ძირითადად ის ოჯახები გაგვყვავს, რომელიც მდინარე ჭერმის ხევის ნაპირზე ცხოვრობენ და არსებული მდგომარეობა მათ სიცოცხლეს საფრთხეს უქმნის".
სოფელ ველისციხეში მოსახლეობა პანიკაშია. ადგილზე სახანძრო, სასწრაფო და სამაშველო სამსახურები მუშაობენ.
