მომდევნო დღეებში, აღმოსავლეთ საქართველოს ზოგიერთ რაიონში, საღამოს და ღამის საათებში ხანმოკლე წვიმა შენარჩუნდება. როგორც ,,ჯი-ეიჩ-ენთან” საუბარში, გარემოს დაცვის სამინისტროს მთავარმა სინოპტიკოსმა დოდო გვაზავამ განაცხადა, აღმოსავლეთისგან განსხვავებით, დასავლეთ საქართველოში უნალექო ამინდი შენარჩუნდება და ჰაერი 34 გრადუსამდე გათბება. რაც შეეხება აღმოსავლეთ საქართველოს, ჰაერის ტემპერატურა აქ 28 გრადუსამდე მოიმატებს.
,,21 მაისამდე დასავლეთ საქართველოში ჰაერის მაქსიმალური ტემპერატურა 34 გრადუსამდე აიწევს, სანაპირო რაიონებში კი ტემპერატურა 30 გრადუსამდე შენარჩუნდება. რაც შეეხება აღმოსავლეთ საქართველოს ჰაერი აქ 28 გრადუსამდე გათბება, შესაძლებელია, 21-24 მაისი ჩათვლით ზოგიერთ რაიონში ხანმოკლე წვიმა საღამოს და ღამის საათებში”, -აცხადებს დოდო გვაზავა.
