ხელფასების გაზრდის მოთხოვნით, რუსთავის გზატკეცილის დაგებაზე მომუშავე მუშები გაფიცვას 20 მაისამდე გეგმავენ. მაგისტრალის მშენებლობა დღეს დილიდან შეჩერებულია. მუშები დღიური ხელფასის 21 ლარიდან, 30 ლარამდე გაზრდას მოითხოვენ.
"ხელშეკრულება გაგვიფორმდა, მაშინ, როცა დოლარი 1.65 ლარი ღირდა. მას შემდეგ, რაც ლარი გაუფასურდა, ხელფასი დაგვრჩა იგივე. უკვე მესამედ ვიფიცებით თანხის გაზრდის მოთხოვნით. შეუძლებელია 20 ლარად ოჯახის შენახვა. იმედი გვაქვს, რომ ჩინელები, რომლებიც საკუთარ ქვეყანაში კაპიკებად გვამუშავენებენ, დღიურ შემოსავალს მთავრობის ჩარევით, გაგვიზრდიან”,- აცხადებენ მუშები.
შესრულდება თუ არა მათი მოთხოვნა, ამის შესახებ, 29 მაისს გახდება ცნობილი, - ამის შესახებ ჟურნალისტებს მუშებთან შეხვედრის შემდეგ, სამუშაოების მწარმოებელი ჩინური კომპანიის მენეჯერის მოადგილემ გურამ ვახტანგიშვილმა განუცხადა. მისივე თქმით, ხელფასების თაობაზე გადაწყვეტილებას იღებს სამუშაოების დამკვეთი - მუნიციპალური განვითარების ფონდი.
მაგისტრალის მშენებლობა, სავარაუდოდ 20 მაისამსდე იქნება შეჩრებული.
