ყველაზე ხმამაღალმა ჟურნალისტმა ინგა გრიგოლიამ ვერ მოითმინა და პირდაპირ ეთერში დუმილი დაარღვია. „იმედის კვირის“ გადაცემის მსვლელობისას ის თავისი კოლეგის საუბარში შეიჭრა, რამაც შალვა რამიშვილის სიცილი გამოიწვია. როგორც გაირკვა, გრიგილიას და რამიშვილს შორის იყო დადებული ნიძლავი, რომ გრიგოლია გადაცემის გარკვეულ ნაწილს მთლიანად დაუთმობდა მის კოლეგებს და დისკუსიებში არ ჩაერთვებოდა. წაგებული 50 ლარი გადაცემის წამყვანმა იქვე, პირადაპირ ეთერში, რამიშვილს გადასცა.
„შალვამ: დავნიძლავდეთო, ვერ მოითმენ და მაინც ჩაერთვებიო. ჰოდა, წავაგე 50 ლარი, რომელიც ხელში მიჭირავს. აჰა, შალვა 50 ლარი!“, – მიმართა რამიშვილს გრიგოლიამ.
