ევროპის რეკონსტრუქციისა და განვითარების ბანკი (EBRD), ”თიბისი ბანკთან” ერთად სამაუწყებლო კომპანია ,,სტერეო +” -სთვის ციფრულ მაუწყებლობაზე გადასვლის პროცესის მხარდასაჭერად, 1, 9 მილიონ ევროს მოცულობის სესხს გამოყოფს. როგიორც საქართველოში ევროკავშირის წარმომადგენლობის მიერ გავრცელებულ ინფორმაციაშია აღნიშნული, ევროკავშირი (EU) მხარს უჭერს ამ ტრანზაქციას რისკების დაზღვევის გზით.
”ციფრულ მაუწყებლობაზე გადასვლა გადამწყვეტი ნაბიჯია საინფორმაციო
ტექნოლოგიებისა და კომუნიკაციების სფეროს მოდერნიზაციის პროცესში, რაც საქართველოს ევროკავშირის სტანდარტებთან მიახლოებაში დაეხმარება. ციფრული მაუწყებლობა დამატებით შესაძლებლობებს შექმნის გათავისუფლებული სიხშირეების სახით. ეს, თავის მხრივ, უფრო განვითარებული სერვისებისა და მრავალფეროვანი და კონკურენტუნარიანი ბაზრის ჩამოყალიბებას შეუწყობს ხელს – რომელიც ორ მთავარი პირობას წარმოადგენს ღრმა და ყოვლისმომცველი თავისუფალი სავაჭრო სივრცის შესაქმნელად. ეს არის პირველი პროექტი რომელიც დაფინანსდება EBRD-სა და EU DCFTA-ს მცირე და საშუალო ბიზნესის პირდაპირი მხარდაჭერის პროგრამის ფარგლებში და დაეხმარება ბიზნესებს პროდუქტებისა და სერვისების ხარისხის გაუმჯობესებაში, ახალი ბაზრებზე
წვდომაში და ზოგადად დააჩქარებს ეკონომიკურ განვითარებას”, - აღნიშნულია ინფორმაციაში.
“მცირე და საშუალო ზომის ბიზნესი დინამიური ეკონომიკის ხერხემალია, ამიტომ, საქართველოში განხორციელებული აქტივობებით ევრობანკი მხარს უჭერს მცირე და საშუალო ბიზნესი განვითარებას. ეს ფინანსური პაკეტი ახალ და გრძელვადიან პერსპექტივებს სთავაზობს ადგილობრივ ბიზნესებს. განსაკუთრებით გვეამაყება, რომ ამ გარიგებას ხელი მოეწერება ევრობანკის ყოველწლიური შეხვედრისა და ბიზნესის ფორუმის პირველ დღეს თბილისში”, - განაცხადა ევროპის რეკონსტრუქციისა და განვითარების ბანკის აღმოსავლეთ ევროპისა და კავკასიის მმართველმა დირექტორმა ფრენსის მალიგამ.
,,მიხარია როცა ვხედავ, რომ საქართველოს ბიზნესისთვის
გამოყოფილი ევროკავშირის ფინანსური მხარდაჭერა აღწევს საბოლოო
ბენეფიციარებამდე. ეს არის დადებითი სიგნალი მცირე და საშუალო ბიზნესისთვის საქართველოში, მოლდოვასა და უკრაინაში, რომლებსაც სურთ ინვესტიცია განახორციელონ, რათა სრულად ისარგებლონ DჩFთA შეთანხმებით, რომელსაც ამ ქვეყნებმა ევროკავშირთან მოაწერეს ხელი.”- განმარტა ევროკომისიის აღმოსავლეთის სამეზობლოს
დირექტორმა გერჰარდ შუმან ჰიცლერმა.
შეგახსენებთ, რომ საქართველომ ევროკავშირთან ასოციაცირების შეთანხმებას 2014 წელს მოაწერა ხელი, რამაც საფუძველი ჩაუყარა ამბიციურ რეფორმებს, ისევე როგორ ღრმა და ყოვლისმომცველი თავისუფალი სავაჭრო სივრცის შექმნას. DCFTA–ის შექმნა წარმოშობს ახალ სავაჭრო შესაძლებლობებს საქართველოსთვის და ეკონომიკურ სარგებელს მოუტანს ქვეყანას ევროკავშირის ერთიან ბაზარზე წვდომის უზრუნველყოფის გზით, რომელიც მსოფლიოში ყველაზე დიდ ბაზარს წარმოადგენს.
DCFTA-ის ფარგლებში EBRD და EU ასევე თანამშრომლობენ აღმოსავლეთ ევროპის ორ ქვეყანასთან, მოლდოვასა და უკრაინასთან, რომლებმაც ასევე მოაწერეს ხელი ევროკავშირთან ასოცირების ხელშეკრულებას. ისინი არიან DCFTA-ის მცირე და საშუალო ბიზნესის მხარდაჭერის უფრო დიდი პროგრამის მონაწილეები, რომელიც ახალ ინვესტიციებს მოიზიდავს მცირე და საშუალო ბიზნესებისათვის ამ სამ ქვეყანაში, ძირითადად ეს იქნება ახალი სესხები საერთაშორისო საფინანსო ინსტიტუტებიდან, როგორებიცაა EBRD და EIB (ევროპის საინვესტიციო ბანკი).
DCFTA პროგრამა წაახალისებს ვაჭრობას ევროკავშირსა და იმ სამ ქვეყანას შორის, რომლებმაც ხელი მოაწერეს ასოცირების შეთანხმებას; გაზრდის მათთვის უცხოური ინვესტიციების რაოდენობას და გარდაქმნის ბიზნეს გარემოს გრძელვადიან პერსპექტივაში, შესაბამისად, ხელს შეუწყობს ეკონომიკის ზრდას და სამუშაო ადგილების წარმოქმნას. პროგრამის მეშვეობით ხელმისაწვდომი გახდება დაფინანსება როგორც პირდაპირი სესხის მიღების ასევე ადგილობრივი პარტნიორი ბანკებიდან
მიღებული სესხების სახით. ადგილობრივი მცირე და საშუალო ბიზნესები მიიღებენ კონსულტაციებს თუ როგორ გააფართოვონ წარმოება. უფრო მეტიც ზემოხსენებულ სამ ქვეყანაში, გაიმართება დიალოგი ბიზნეს გარემოს გაუმჯობესების სტრატეგიის შემუშავებაზე.
ევრობანკი ყველაზე დიდი ინსტიტუციური ინვესტორია საქართველოში, მოლდოვასა და უკრაინაში. ევროკავშირი არის ყველაზე დიდი დონორი, რომელიც ევრობანკის პროგრამებისა და პროექტებისათვის გამოყოფს გრანტებს და ამ გზით სარგებელი მოაქვს ადამიანებისთვის საქართველოში, მოლდოვასა და უკრაინაში.
