მოძრაობა "დაიცავი საქართველოს" ლიდერი ლევან გაჩეჩილაძე მის ძმის - გია გაჩეჩილაძის მიერ თბილისის მერის არჩევნებში შესაძლო მონაწილეობის შესახებ გავრცელებულ ინფორმაციას "თითიდან გამოწოვილს" და "სერიოზულობას მოკლებულს" უწოდებს.
როგორც გაჩეჩილაძემ აღნიშნულ საკითხზე კომენტირებისას დღეს ჟურნალისტებს განუცხადა, "უცნობი" მერის პოსტზე კენჭისყრას არ აპირებს.
"მე უკვე ველაპარაკე გიას და მითხრა, რომ მსგავსი კომენტარი არ გაუკეთებია და არც მერის არჩევნებში აპირებს მონაწილეობას. ეს თემა სერიოზულობას მოკლებულია. თითიდან გამოწოვილია. მსგავსი არაფერი ხდება", - განაცხადა ლევან გაჩეჩილაძემ.
რაც შეეხება ექსპერტების შეფასებას იმის თაობაზე, რომ "უცნობი" თბილისის მერის პოსტზე კენჭისყრის შემთხვევაში, სავარაუდოდ, ამ ფორმით საზოგადოებას მორიგ შოუს შესთავაზებს, ლევან გაჩეჩილაძის განმარტებით, "შეიძლება გიას შოუ მართლაც აქვს დაგეგმილი, თუმცა მის თავში რა ხდება, მისთვის უცნობია".
