სოხუმსა და ცხინვალში შესრულებული ფრენები გამო "იკაო" მოსკოვს სანქციებს დააკისრებს. სამოქალაქო ავიაციის სააგენტოში ახლა წყდება, თუ რა სახის იქენაბა რუსეთისთვის დაკისრებული სანქციები.
პარიზში მიმდინარე სხდომის დეტალები ცოტა ხნის წინ, ერთიანი სატრანსპორტო ადმინისტრაციის ხელმძღვანელობამ გაახმაურა.
ერთიანი სატრანსპორტო ადმინისტრაციის ხელმძღვანელი, ლევან ჭიჭინაძე პარიზში, "იკაოს" ხელმძღვანელს შეხვდა. მისი თქმით, ინფორმაცია იმის შესახებ, რომ მოსკოვი აპირებს სოხუმის აეროპორტს საერთაშორისო კოდი მიანიჭოს სიცრუეა. ჭიჭინაძის თქმით, "იკაო" აღიარებს საქართველოს ტერიტორიულ მთლიანობას და მის ერთიან საჰაერო სივრცეს. ჭიჭინაძის განცხადებით, "იკაო" სოხუმს საერთაშორისო კოდს, მხოლოდ იმ შემთხვევაში მიანიჭებს, თუ ეს საქართველოს ხელისუფლების სურვილი იქნება.
"არანაირი საერთაშორისო კოდის მინიჭება სოხუმის აეროპორტისათვის არ მომხდარა. ყველა ის შეთანხმება, რომელიც გაეროს მხრიდან იყო გამოცემული საქართველოს მიმართ, რუსეთის მხრიდან საქართველოს საჰაერო სივრცეში უკანონო ფრენების შესახებ, ისევ ძალაშია. ეს ორგანიზაცია აღიარებს საქართველოს ტერიტორიულ მთლიანობას და ვერანაირი კოდის მინიჭება საერთაშორისო ფრენების განხორციელებისათვის ამ აეროპორტისათვის ვერ მოხდება, საქართველოს ხელისუფლების ნებართვის გარეშე. ასე რომ, სოხუმიდან საერთაშორისო ფრენების განხორციელებას პერსპექტივა არ აქვს", - განაცხადა ჭიჭინაძემ.
