"საქართველოს ნატოს წევრობა კვლავ სურს, მიუხედავად იმისა, რომ ალიანსის ზოგიერთ წევრ ქვეყანას ნატოს გაფართოების მომხრე არ არის", - ამის შესახებ საქართველოს პრეზიდენტმა მიხეილ სააკაშვილმა "Associated Press" ინტერვიუში განაცხადა.
პრეზიდენტ სააკაშვილის შეფასებით, საქართველო არის მაგალითი ტესტისა შესძლებენ თუ არა ყოფილი საბჭოთა კავშირის ქვეყნები რუსეთისგან თავის დაღწევას და დასავლეთის ღირებულებებზე ინტეგრაციას.
"ამ ეტაპზე რუსეთს შიდა პრობლემები აქვს და ამის ნათელი მაგალითია ჩრდილო კავკასიაში განვითარებული მოვნელებია", - აღნიშნა პრეზიდენტმა და აქვე დასძინა, რომ საქართველოს ხელისუფლებას მიაჩნია, რომ ობამას ადმინისტრაციის მცდელობა რუსეთთან ურთიერთობები გაამყაროს, ქართულ-ამერიკულ ურთიერთობებზე უარყოფითად არ იმოქმედებს.
ამასთან, საქართველოს პირველმა პირმა აშშ-ს ადმინისტრაციას საქართველოსთვის გაწეული ეკონომიკური დახმარებისთვის მადლობა კიდევ ერთხელ გადაუხადა.
