საქართველოს პრეზიდენტის მიხეილ სააკაშვილის შეფასებით, რუსეთმა ოკუპირებული აფხაზეთის და ცხინვალის რეგიონი ბირთვული იარაღის კონტრაბანდისთვის "სამოთხედ" აქცია. ამის შესახებ პრეზიდენტმა სააკაშვილმა სააგენტო " Associated Press "-ისთვის ინტერვიუში განაცხადა.
"რუსეთი რეგიონში ისეთი არასტაბილური ვითარება შექმნა, რომელიც კავკასიაში გამდიდრებული ურანის კონტრაბანდის შემოტანას უწყობს ხელს", - განაცხადა პრეზიდენტმა სააკაშვილმა და აქვე მიანიშნა, რომ ქართული მხარის მიერ ურანის შემომტანი კონტრაბანდისტების კვალიც რუსეთისკენ მიდის.
ამასთან, სააკაშვილის ინფორმაციით, ჯერ კიდევ 2006 წელს ქართველმა სამართალდამცავებმა 4 ეჭვმიტანილი დააკავა, რომლებიც ე.წ. სამხრეთ ოსეთიდან მცირე რაოდენობის გამდიდრებული ურანის გაყიდვას ცდილობდნენ.
