დიდი რაოდენობის კოკაინის შენახვის ბრალდებით, სასამართლო ცნობილი ამერიკელი მსახიობის, ოსკაროსანი მაიკლ დუგლასის და მისი პირველი ცოლის დიანდრა ლაქერის ვაჟს, კამერონ დუგლასს 5 წლით თავისუფლების აღკვეთა შეუფარდა. ამის შესახებ "სი-ენ-ენი" იუწყება.
"სი-ენ-ენის" ინფორმაციით, კამერონ დუგლასმა თხოვნით მიმართა ფედერალურ მოსამართლეს, რათა მისთვის "მეორე შანსი" მიეცათ და სასამართლოს დარბაზიდანვე გაეთავისუფლებინათ, თუმცა მოსამართლემ მისი თხოვნა არ გაითვალისწინა.
სასამართლო პროცესს მაიკლ დუგლასიც ესწრებოდა. კამერონ დუგლასის განცხადებით, მამამისმა მისი დაპატიმრება ძალიან განიცადა და იტირა კიდეც.
კამერონ დუგლასი 2009 წლის ივლისში, მანჰეტენზე მდებარე ერთ-ერთ ღამის კლუბში დააპატიმრეს.
