ხვალ, 22 აპრილს, "ეროვნული საბჭოს" ლიდერები რუსეთში გაემგზავრებიან.'ამის შესახებ ჟურნალისტებს კობა დავითაშვილმა განუცხადა.
მისი განმარტებით, მასთან ერთად რუსეთის დედაქალაქს კახა კუკავა და გუგე ცანავაც ეწვევიან.
დავითაშვილის თქმით, ვიზიტის ფარგლებში შეხვედრები როგორც რუსეთის ხელისუფლების, ისე ოპოზიციის წარმომადგენლებთან გაიმართება.
"გარდა ამისა, შევხვდებით ქართული დიასპორისა და საზოგადოების წარმომადგენლებს", - განმარტა "ეროვნული საბჭოს" ერთ-ერთმა ლიდერმა.
შეგახსენებთ, რომ "ეროვნული საბჭოს" ლიდერები "ქართველ ხალხთა მსოფლიო კონგრესზეც" აპირებენ დასწრებას, რომელიც სანკტ-პეტერბურგში, 23-24 აპრილს გაიმართება.
