ხუთდღიანი პაუზის შემდეგ, პარიზი-თბილისის რეისი შესრულდა.
ავიაკომპანია "აირზენამ" საფრანგეთის დედაქალაქიდან მგზავრები, რომლებიც თბილისში გამოფრენას რამდენიმე დღის განმავლობაში ელოდებოდნენ, წუხელ ჩამოიყვანა.
საქართველოში ფრენები ამ დროისთვის ნაწილობრივ აღდგენილია, თუმცა ჯერ კიდევ ვერ ხორციელდება რეისი მიუნჰენის მიმართულებით.
საგარეო საქმეთა სამინისტრო საქართველოს მოქალაქეებს, რომლებიც ისლანდიაში ამოფრქვეული ვულკანის გამო სხვადასხვა ქვეყნებში ჩარჩნენ, ურჩევს დახმარებისთვის შესაბამის საკონსულოებს მიმართონ.
გრიგოლ ვაშაძის უწყება მათ სამშობლოში დაბრუნებაში დახმარებას სახმელეთო ტრანსპორტით ჰპირდება.
