სოლიდარობა ასურელ ქრისტიანებს!
"ტერორიზმს არ აქვს რელიგია" - თბილისში, პარლამენტის შენობასთან ასირიელი ბავშვების მხარდასაჭერად აქცია გაიმართა. აქციის მონაწილეები მოუწოდებენ საქართველოს მთავრობას, გამოინახოს გზა ასირიელი ბავშვების საქართველოში ჩამოსაყვანად. მათ მწუხარება გამოხატეს იმ ასირიელი ბავშვების გამო, რომლებიც "ისლამური სახელმწიფოს" ტერორიზმს ემსხვერპლნენ.
ასირიელ ქრისტიანთა მხარდამჭერი აქცია გაიმართა ბათუმშიც. ''სოლიდარობა ასურელ ქრისტიანებს", შეაჩერეთ, ასურიელი ხალხის გენოციდი! "ისლამი არ ქადაგებს მკვლელობას" - აღნიშნული გზავნილებით ადგილობრივები ევროპის მოედანზე შეიკრიბნენ. მათ დაგმეს ტერორიზმი და სირიაში მიმდინარე კონფლიქტი.
ანალოგიური გზავნილები ისმოდა გუშინ ზუგდიდშიც. "ზუგდიდის განვითარების ცენტრის" მსმენელებმა და მასწავლებლებმა მსოფლიოს ადეკვატური ქმედებისკენ მოუწოდეს. მათი თქმით, პროტესტი სოციალური ქსელებით არ უნდა შემოიფარგლოს.
