პარლამენტარი დიმიტრი ლორთქიფანიძე პარლამენტის ხელმძღვანელობას თხოვს კოორდინირება გაუწიონ ქსნის ციხეში ტუბერკულოზით დაავადებული პატიმრების პირობების გაუმჯობესებას. ამის შესახებ განცხადება ლორთქიფანიძემ დღეს სესიაზე გააკეთა.
როგოც მან აღნიშნა, იგი მიესალმება ქსანში ახალი საპყრობილის აშენებას, რომელიც თანამედროვე სტანდარტებს აკმაყოფილებს.
თუმცა იგი აქცენტს აკეთებს იმაზე, რომ "ამ შენობიდან ზუსტად 50 ნაბიჯში არის სამედიცინო დაწესებულება ტუბერკულოზით დაავადებული პატიმრებისათვის, სადაც პატიმრები უკიდურესად მძიმე მდგომარეობაში იმყოფებიან".
ლორთქიფანიძის განმარტებით ტუბერკულოზით დაავადებული პატიმრების კორპუსში არ მუშაობს არც კანალიზაცია, არ არის არანაირი სამედიცინო პირობები და თითოეულ საკანში 10-12 პატიმარი იმყოფება.
ლორთქიფანიძე სასჯელთაღსრულების სამინისტროს ხელმძღვანელობას მოუწოდებს, რომ ტუბერკულოზით დაავადებული პატიმრების მდგომარეობის გაუმჯობესებაზე დაუყონებლივ იზრუნოს და ეს პატიმრები გადაიყვანოს იმ შენობაში, რომელიც გათავისუფლდება ახალი ციხის აშენების გამო.
"ეს პრობელმა არის დაუყონებლივ მოსაგვარებელი და არა ისე როგორც მინისტრმა ბრძანა, რომ მოგარდება უახლოეს თვეებში. ეს უნდა მოგვარდეს უახლოეს დღეებში და მაქსიმუმ უახლოეს კვირეებში" - აცხადებს დიმიტრი ლორთქიფანიძე და პარლამენტის ხელმძღვანელობას თხოვს კოორდინირება გაუწიონ აღნიშნული პრობლემის მოგვარებას.
