სამების საკათედრო ტაძარში სრულიად საქართველოს კათალიკოს-პატრიარქი, მცხეთა-თბილისის მთვარეპისკოპოსი, ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია მეორე ფეხთბანვის წესს ასრულებს.
უწმინდესი მსახურებაში მონაწილე 12 სასულიერო პირს ფეხს დაბანს.
ხოლო საღამოს 19:00 საათზე სამების საკათედრო ტაძარში 12-გზის სახარება წაიკითხება.
წმინდა წერილიდან 12-ჯერ წაიკითხება ადგილები იესო ქრისტეს ცხოვრებისა და ჯვარცმის შესახებ.
ვნების შვიდეულში დიდი ხუთშაბათი განსაკუთრებული დღეა. წმინდა სახარების მიხედვით, ამ დღეს მაცხოვარმა თავის მოწაფეებთან ერთად ბოლო პასექი და ფეხთბანვა აღასრულა. უფალმა მოწაფეები ამ დღეს პირველად აზიარა და ევქარისტიის საიდუმლო დააწესა.
პასექის ჟამს მაცხოვარმა მიანიშნა, რომ ერთ-ერთი მოწაფე გასცემდა. ეს მოწაფე იუდა ისკარიოტელი აღმოჩნდა.
