9 აპრილს, ფინანსთა მინისტრის პირველმა მოადგილემ, შემოსავლების სამსახურის უფროსმა, გიორგი თაბუაშვილმა და სამინისტროს წარმომადგენლებმა, პარლამენტის შენობის წინ, გვირგვინით შეამკეს 9 აპრილს დაცემულ მამულიშვილთა მემორიალი და პატივი მიაგეს დაღუპულთა ხსოვნას.
„დღეს ძალიან მნიშვნელოვანი დღეა საქართველოსთვის. 9 აპრილი საქართველოს დამოუკიდებლობის გამოცხადების დღეა. ფინანსთა სამინისტროს წარმომადგენლებმა გვირგვინით შეამკეს 1989 წლის 9 აპრილის დაღუპულთა მემორიალი. ჩვენ დარწმუნებულები ვართ, რომ მათ მიერ გაღებული ეს დიდი მსხვერპლი, უკვალოდ არ ჩაივლის და საქართველო იქნება დამოუკიდებელი და განვითარებული ქვეყანა,“ - განაცხადა ფინანსთა მინისტრის პირველმა მოადგილემ გიორგი თაბუაშვილმა.
