უნგრეთში საქართველოს საელჩოსა და ე. ლორანდის უნივერსიტეტის ჰუმანიტარულ მეცნიერებათა ფაკულტეტის ორგანიზებით, ბუდაპეშტის ეოტვოშ ლორანდის სახელობის უნივერსიტეტში გაიმართა უნგრელი ქართველოლოგის ჰაინალკა ბაბირაკის ღია ლექცია ქართული ენის, კულტურისა და ისტორიის თემაზე. ღონისძიება დედაენის დღის 37-ე წლისთავის აღსანიშნავად გაიმართა.
ჰაინალკა ბაბირაკმა დამსწრე საზოგადოებას გააცნო ქართული ენისა და უნიკალური დამწერლობის ისტორია, მოუთხრო ქართული მწერლობის უძველეს ძეგლებზე და მიმოიხილა საქართველოს ისტორია. ჰაინალკა ბაბირაკმა წაიკითხა ი. ჭავჭავაძისა და გ. ტაბიძის ლექსები, როგროც ქართულ, ასევე უნგრულ ენაზე (თარგმანი ეკუთვნის ჰ. ბაბირაკს.)
ლექციას ესწრებოდნენ უნგრეთის აკადემიური, სამეცნიერო და კულტურული წრეების წარმომადგენლები, უნგრელი სტუდენტები და უნგრეთში მცხოვრები თანამემამულეები.
ლექციის შემდეგ სტუმრებმა დააგემოვნეს ქართული ღვინო
