საქართველოს საგარეო საქმეთა მინისტრის მოადგილის დავით ჯალაღანიას განცხადებით, უკრაინა სუამის დატოვებას არ აპირებს.
"უკრაინა ამჟამად სუამის თავმჯდომარე ქვეყანაა და შემიძლია დაზუსტებით გითხრათ, რომ ის სუამის დატოვებას არ აპირებს. რაც შეეხება სუამის ქვეყნების სამიტის და სხვა შეხვედრების შეფერხებას ეს მხოლოდ დროის ფაქტორითაა გამოწვეული, რადგან უკრაინაში ხელისუფლების ცვლილება მოხდა და ამის გამო შეხვედრები დროში ვერ ჩაეტია", - განმარტა ჯალარანიამ.
მისივე თქმით, სუამის ფორმატს საფრთხე არ ემუქრება და მასში შემავალი ქვეყნების, უკრაინის ჩათვლით მხოლოდ მის გაფართოებაზე ზრუნავენ.
შეგახსენებთ, რომ რუსული მედიის საშუალებით გავრცელდა ინფორმაცია, რომ უკრაინა სუამის დატოვებას გეგმავდა.
