ცესკოს მონაცემებით, სიიდან ამოღებული აღნიშნული კატეგორიის მოქალაქეებიდან 6,172 მიმდინარე წლის 1-ელ თებერვლამდე იყო გარდაცვლილი, დანარჩენი კი მონიტორინგის პროცესის დაწყების შემდეგ დაიღუპნენ.

გარდა ამისა, ამომრჩეველთა ერთიან სიაში არ ფიქსირდებოდა 3,255 ამომრჩეველი. გამოტოვებული ამომრჩევლების მონაცემების დამუშავება ცესკოში ამ დრომდე მიმდინარეობს.

რაც შეეხება საზღვარგარეთ მცხოვრებ ამომრჩევლებს, მონიტორინგის შედეგად გაირკვა, რომ ასეთი სულ 55,883-ია. რეგისტრირებულ მისამართზე არ ცხოვრობს 65,502 ამომრჩეველი, 49,441 კი, უმისამართოა. გარდა ამისა, 31,186 ამომრჩევლის შემთხვევაში დაფიქსირდა მისამართის უზუსტობა, საიდანაც ცესკომ უკვე 12,925 მონაცემის ჩასწორება მოახდინა.

მონიტორინგის შედეგად სიებში სულ 149 ათასზე მეტი მონაცემის ჩასწორება მოხდა, აქედან 133 ათასზე მეტი უშუალოდ ცესკოს მიერ, 16 ათასი კი (13 ათასი მისამართი და 3 ათასუ გარდაცვლილი) პოლიტიკური პარტიების მიერ განხორციელებული შესაბამისი პროცესის შედეგად განხორციელდა.

სიებში აღმოჩენილი უზუსტობებიდან 19,815 ამომრჩეველთა სახელებს, 33,766 - გვარებს, 24,284 დაბადების თარიღებს, 55,094 მისამართებს, 63 შემთხვევა - ერთ ბინაში რეგისტირებულ ოც და მეტ ამომრჩეველს, 225 დუბლირების შემთხვევას, 2,825 გარდაცვილი ამომრჩევლის აღმოჩენას შეეხებოდა. სხვა შემთხვევევის გამო სიებიდან ამოღებულ იქნა 219 ამომრჩელის მონაცემი, 12,925 კი ჩასწორდა. ამ უკანასკნელისა და ასევე გამოტოვებული ამომრჩევლების მონაცემების მიმართულებით ცესკო ამ დრომდე მუშაობს.

მონიტორინგის შედეგად, საქართველოს ამომრჩეველთა რაოდენობა 3 580 487 საარჩევნო ასაკის მქონე მოქალაქით განისაზღვრა.

შეგახსენებთ, რომ ამომრჩეველთა სიის მონიტორინგის პროცესში სულ 11 კვალიფიციური და რამდენიმე არაკვალიფიციური სუბიექტი იყო ჩართული. ამ მიზნით სახელმწიფო ბიუჯეტიდან სულ 1 200 ათასი ლარი გამოიყო, რაც კვალიფიციურ პარტიებზე გადანაწილდა.

განახლებული სიის პრეზენტაციას სასტუმრო "ქორთიარდ მარიოტში" პოლიტიკური პარტიების, არასამთავრობო სექტორის, საერთაშორისო ორგანიზაციებისა და საქართველოში აკრედიტებული დიპლომატიური კორპუსის წარმომადგენლები ესწრებოდნენ.