ისლანდიაში ვულკანის ამოფრქვევამ შესაძლოა კვირები და თვეები გასტანოს. ამის შესახებ ცნობილი ისალანდიელი გეოფიზიკოსი, სიგურლაუგ ჰიალტადოტირი საუბრობს.
მისი თქმით, ვულკანი რომლის ამოფრქვევის შედეგად ევროპაში ათასობით ავიარეისი გადაიდო 700 წელია ე.წ. აქტიურ მდგომარეობაში იმყოფება. გეოფიზიკოსის განცხადებით, უკანასკნელად ვულკანი (Eyjafjallajökull) 1821 წელს ამოქმედდა. სპეციალისტის განცადებით, გადაჭრით იმის თქმა თუ როდის დასრულდება ამოფრქვევის პროცესი და როდის გაიფანტება კვამლი ციდან ძნელია.
"შესაძლოა ამ პროცესმა კვირები და თვეები გასტანოს. შესაძლოა რამდენიმე დღეშიც დასრულდეს, ამას გადაჭრით ვერავინ იტყვის", - აცხადებს ისლანდიელი გეოფიზიკოსი.
შეგახსენებთ, რომ ვულკანის ამოფრქვევის შედეგად წარმოქნილი კვამლის გამო ევროპაში ათასობით ავიარეისი გადაიდო. ამ დროისთვის ევროპის წამყვან ქვეყნებში ყველა დიდი აეროპორტი დახურულია.
