პოლონეთის პრეზიდენტისა და მისი მეუღლის დაკრძალვაზე მსოფლიო ყველა ლიდერი, შესაძლოა, ვერ ჩავიდეს. ამის მიზეზი ევროპის საჰაერო სივრცის პარალიზებაა. საჰაერო სივრცის პარალიზება ისლანდიაში ვულკანის ამოფრქვევით წარმოქმნილმა ფერფლმა გამოიწვია.
კრაკოვში მსოფლიოს სხვადასხვა ქვეყნის 80 სამთავრობო დელეგაციისა და ევროპული სახელმწიფოების ლიდერების ვიზიტი იგეგმება.
ლატვიის პრეზიდენტი ვალდის ზატლერსი პოლონეთის პრეზიდენტის დაკრზალვაზე ავტომანქანით გაემგზავრა. კრაკოვში მატარებლით ჩავა ჩეხეთის პრეზიდენტი ვაცლავ კლაუსი. რაც შეეხება გერმანიიის კანცლერს ანგელა მერკელს იგი ლეხ კაჩინსკის დაკრძალვას სავარაუდოდ ვერ დაესწრება. ასევე უცნობია ჩავლენ პოლონეთში გერმანიის პრეზიდენტი და საგარეო საქმეთა მინისტი თუ არა. თუმცა როგორც პოლონური მედია იუწყება მათ კრაკოვში ჩაღწევა ვეტმფრენებითაც შეუძლიათ.
კაჩინსკის დაკრძალვას დაესწრება უკრაინის ექს-პრეზიდენტი ვიქტორ იუშჩენკო, რომელიც კრაკოვში ავტომანქანით გაეგზავრა.
რაც შეეხება საფრანგეთის პრეზიდენტს ნიკოლა სარკოზის, მას ჯერჯერობით კრაკოვში განგზავრებაზე უარი არ განუცხადებია.
ისლანდიაში ვულკანის ამოფრქვევა 14 აპრილს, გამთენიისას დაიწყო, რის შედეგადაც ნორვეგიაში, ჩრდილოეთ შვედეთში, დიდი ბრიტანეთის ჩრდილოეთ რაიონებში ავიამიმოსვლა შეფერხდა. მათ რიცხვს მოგვიანებით ჩრდილოეთ ევროპის სხვა სახელმწიფოებიც დაემატა.
