მოსკოვი ბორის ნემცოვს ემშვიდობება. 3 დღის წინ კრემლის წინ მოკლულ ოპოზიციის ლიდერს დღეს ტროეკუროვის სასაფლაოზე დაკრძალავენ. დაკრძალვამდე კი სახაროვის ცენტრში სამოქალაქო პანაშვიდი გაიმართება. ნემცოვს უკანასკნელ გზაზე მისი ოჯახის წევრები, მეგობრები და თანამოაზრეები გააცილებენ. ჯერჯერობით უცნობია, დაესწრებიან თუ არა დაკრძალვის ცერემონიალს რუსეთის ხელისუფლების წარმომადგენლები. ცნობილია ის, რომ მოკლული პოლიტიკოსის მეგობარს, პატიმრობაში მყოფ ოპოზიციონერს, ალექსეი ნავალნის სასამართლომ დაკრძალვაზე დასწრების უფლება არ მისცა. ნემცოვის დაკრძალვას ვერც პოლონეთის სპიკერი დაესწრება. რუსეთმა პოლონურ დელეგაციას ბოგდან ბორუსევიჩის ხელმძღვანელობით ვიზა არ მისცა.
