უკრაინელმა მესაზღვრეებმა რუსეთის 7 მოქალაქე ქვეყანაში არ შეუშვეს
უკრაინელმა მესაზღვრეებმა რუსეთის 7 მოქალაქეს ქვეყნის ტერიტორიაზე შესვლაზე უარი უთხრეს. ამის მიზეზი ახალი რეგულაციების ამოქმედება გახდა, რომლის მიხედვითაც, რუსეთის მოქალაქეებს უკრაინის ტერიტორიაზე შესვლა მხოლოდ საზღვარგარეთის პასპორტებით შეეძლებათ. როგორც უკრაინის სასაზღვრო სამსახური იტყობინება, პირველი მარტიდან უკრაინის საზღვარი რუსეთის 2424-მა მოქალაქემ გადაკვეთა, 7-ს კი უარი ეთქვა, რადგანაც მათ უკრაინის ტერიტორიაზე შესვლა შიდა პასპორტებით სურდათ.