გუშინ საღამოს მეტროსადგურ „ღრმაღელესთან" დაზიანდა სანიაღვრე კოლექტორი, რამაც მეტროსადგურის გვირაბში წყლის ჩადინება გამოიწვია და საჭირო გახდა სარეაბილიტაციო სამუშაოების ჩატარება. როგორც ,,ჯი-ეიჩ-ენს" თბილისის მერიიდან აცნობეს აღნიშნულიდან გამომდინარე, გუშინ საღამოს 20:30 საათიდან, მეტროსადგური „ღრმაღელე" ერთი დღით დაიკეტა.
„თბილისის სატრანსპორტო კომპანიის" ინფორმაციით, მეტროსადგურ „ღრმაღელეს" მუშაობის განახლებამდე, მეტროსადგურების მონაკვეთებზე „ღრმაღელე-დიდუბე" და „ღრმაღელე-გურამიშვილი" და პირიქით, მგზავრებს უფასო ავტობუსი მოემსახურება.
„თბილისის სატრანსპორტო კომპანია" შექმნილი დისკომფორტისთვის ბოდიშს უხდის მეტროსადგურის აღნიშნული მონაკვეთებით მოსარგებლე მგზავრებს.
მასალის გამოყენების პირობები
