დღეს, 10 თებერვალს საქართველოს პარლამენტის წევრი, თინათინ ხიდაშელი სამუშაო ვიზიტით ვაშინგტონში მიემგზავრება.
საპარლამენტო უმრავლესობის წევრი შეხვედრებს ამერიკის შეერთებული შტატების კონგრესში, სახელმწიფო დეპარტამენტსა და ადმინისტრაციაში გამართავს.
ვიზიტის ფარგლებში, თინათინ ხიდაშელი სიტყვით საპარლამენტო ღიაობისა და გამჭვირვალობის საკითხებზე გამართულ კონფერენციაზე წარდგება.
საქართველოს პარლამენტის წევრი კონფერენციის მონაწილეებს საქართველოს უმაღლესი საკანონმდებლო ორგანოს გამოცდილებას გააცნობს და პარლამენტის მეტი გამჭვირვალობისა და კანონშემოქმედებით პროცესში თანამონაწილეობის მიმართულებით დაგეგმილ ღონისძიებებზე ისაუბრებს.
