რუსეთის პრეზიდენტმა ვლადიმერ პუტინმა უკრაინის ხელისუფლების მიერ აღმოსავლეთ უკრაინაში ვითარების მოგვარებისთვის არჩეულ გზას ჩიხი და კატასტროფული შედეგების მომტანი უწოდა.
რაც შეეხება, მდგომარეობის სტაბილიზაციას, ამის უმთავრეს პირობად მან კიევისგან ლუგანსკსა და დონეცკში საომარი მოქმედებების შეწყვეტა დაასახელა და უკრაინის ხელისუფლებას დონბასისთვის ეკონომიკური ბლოკადის მოხსნისკენ მოუწოდა.
,,ვითარების მოსაგვარებლად აუცილებელია, დაუყოვნებლივ შეწყდეს ცეცხლი, რომელსაც ანტიტერორისტულ ოპერაციას ეძახიან, სინამდვილეში კი აღმოსავლეთ უკრაინაში სადამსჯელო ოპერაცია ტარდება." - განაცხადა პუტინმა ეგვიპტურ გამოცემასთან ინტერვიუში.
მან ასევე აღნიშნა, რომ ,,კიეველი პოლიტიკოსები დონბასზე ეკონომიკურ ზეწოლას ახორციელებენ" და მისთვის სასიცოცხლო წყაროების ბლოკირებით კიდევ უფრო ართულებენ ვითარებას.
,,ეს გზა ჩიხამდე მიდის და დიდი კატასტროფის მომტანი იქნება." - აცხადებს რუსეთის პრეზიდენტი.