შეერთებული შტატები უკრაინას პოლიტიკური და ეკონომიკური რეფორმების გასატარებლად მილიარდ დოლარს გამოუყოფს. ამის შესახებ ამერიკის სახელმწიფო მდივანმა კიევში ვიზიტისას განაცხადა. ჯონ ქერის თქმით, კიევი დამატებით ფინანსურ დახმარებას მომავალშიც მიიღებს. რაც შეეხება უკრაინისთვის ლეტალური იარაღის მიწოდების საკითხს, კერის განცხადებით, ამ საკითხთან დაკავშირებით პრეზიდენტი ობამა საბოლოო გადაწყვეტილებას უახლოეს ხანებში მიიღებს. ერთობლივ ბრიფინგზე ჟურნალისტების კითხვებს უკრაინის პრემიერ-მინისტრმაც უპასუხა და რუსეთი ღია აგრესიაში კიდევ ერთხელ დაადანაშაულა.
