უზენაესი სამართლოს თავმჯდომარის კოტე კუბლაშვილის განცხადებით, მისი შემცვლელის ვინაობის კანდიდატურის დასასახელებლად პრეზიდენტს კონკრეტული ვადა არ აქვს, მას შეუძლია ნებისმიერ დროს წარდგინოს კანდიდატურა. თუმცა კუბლაშვილი აცხადებს, რომ სასურველი იქნება თუ პრეზიდენტი გიორგი მარგველაშვილი დროულად დაასახელებს უზენაესი საამართლოს თავმჯდომარის კანდიდატურას.
,,ვადები განსაზღვრული არსად არ არის. მას შეუძლია დაასახელოს კანდიდატი როგორც ახლა, ასევე ერთი თვის შემდეგ, ან ორი თვის შემდეგ. ანუ არსად ეს ვადები არ წერია, თუმცა, ბუნებრივია, რომ უკეთესია დაასახელოს იმ დროს, როდესაც არ იქნება დიდი წყვეტა ჩემს უფლებამოსილებას და ახალი თავმჯდომარის უფლებამოსილებას შორის", - განაცხადა კონსტანტინე კუბლაშვილმა.
შეგახსენებთ, რომ უზენაესი სასამართლოს თავმჯდომარეს კოტე კუბლაშვილს თანამდებობაზე ყოფნის ვადა თებერვალში ეწურება.
მასალის გამოყენების პირობები
