სანკტ-პეტერბურგის კაფე ,,გურმანში" წუხელ, გვიან ღამით, რამდენიმე მამაკაცს შორის მომხდარ შელაპარაკებას სროლა მოჰყვა.
სროლის შედეგად, კონფლიქტში მონაწილე საქართველოს მოქალაქე ადგილზე დაიღუპა, კაფის მეპატრონე, ეროვნებით აზერბაიჯანელი კი დაიჭრა და საავადმყოფოში გადაყვანამდე, გზაში გარდაიცვალა.
სავარაუდოდ, დაღუპულებს ერთმანეთში პირადი უთანხმოება ჰქონდათ, რომლის ნიადაგზეც მათ შორის თავიდან კამათი და ფიზიკური დაპირისპირება მოხდა, რასაც შემდეგ სროლაც მოჰყვა.
თვითმხილველების განცხადებით, დაპირისპირებაში სხვა ადამიანებიც მონაწილეობდნენ.
მომხდარზე აღძრული სისხლის სამართლის საქმე და მიმდინარეობს გამოძიება.
სამართალდამცავები ინციდენტში მონაწილე სხვა პირებსაც ეძებენ. ასევე, მიმდინარეობს კაფე ,,გურმანის" საქმიანობის შესწავლაც.
მასალის გამოყენების პირობები
