საქართველოში აშშ-ის ელჩმა რიჩარდ ნორლანდმა ამერიკელი ხალხის სახელით სამების ტაძარში არქიმანდრიტ მამა ილია კარტოზიას ხსოვნას პატივი მიაგო.
"ჩვენ მოვედით აქ რათა პატივი მივაგოთ მამა ილია კარტოზიას მთელი ამერიკელი ხალხის სახელით. ის რაც მან გააკეთა, ეს არის ეს არის ჰუმანური ფაქტი და პატივისცემას გამოვხატავთ მის მიმართ", - განაცხადა რიჩარდ ნორლანდმა.
შეგახსენებთ, რომ სამების საკათედრო ტაძარში "ნორმან ატლანტიკზე" გაჩენილი ხანძრის შედეგად დაღუპულ მამა ილია კარტოზიას სამოქალაქო პანაშვიდი გაიმართა.
ტაძარში ასევე იმყოფებოდნენ დედაქალაქის მერი დავით ნარმანია და ფინანსთა მინისტრი ნოდარ ხადური.
ხვალ, 20 იანვარს კი მამა ილია კარტოზიას მცხეთის დავით აღმაშენებლის სახელობის ტაძრის ეზოში დაკრძალავენ, სადაც მამაო წლების განმავლობაში მსახურობდა.
