რუსეთიდან კაპიტალის გადინებამ, ბოლო 20 წლის მაქსიმუმს მიაღწია. რუსეთის მარეგულირებელი ორგანოს შეფასებით, ქვეყნიდან უკვე გატანილია 151.5 მლრდ დოლარის მოცულობის კაპიტალი. რაც იმას ნიშნავს, რომ ეს მაჩვენებელი გასული წლის მაჩვენებლებზე 2,5 -ჯერ მეტია.
როგორც ექსპერტები მიიჩნევენ, აღნიშნულის მიზეზი რუსეთის მიმართ ევროკავშირის მიერ დაწესებული სანქციებია, რომელთაც რუსულ კომპანიებს სავალუტო დეფიციტი შეუქმნეს.
