პოლონეთის პრეზიდენტის ლეხ კაჩინსკის თვითმფრინავის ეკიპაჟმა რამდენჯრმე არ შეასრულა "სმოლენსკის" აეროპორტის ფრენების ხელმძღვანელის მითითებები. ამის შესახებ ჟურნალისტებს რუსეთის საჰაერო ძალების მთავრი შტაბის უფროსის მოადგილემ გენერალ-ლეინტენანტმა ალექსანდრ ალიოშინმა განუცხადა.
"1,5 კილომეტრის დაშორებით ხელმძღვანელობის ჯგუფმა შეამჩნია, რომ ეკიპაჟმა გაზარდა დაშვების ვერტიკალური სიჩქარე. ფრენების ხელმძღვანელმა ეკიპაჟს გასცა ბრძანება თვითმფრინავის ჰორიზონტალურ მდგომარეობაში გადაყვანის შესახებ და როდესაც ეკიპაჟმა არ შეასრულა მითითება, რამდენჯერმე გაიცა ბრძანება სათადარიგო აეროდრომზე დაშვების თაობაზე", - განაცხადა ალიოშინმა.
"ამის მიუხედავად ეკიპაჟი აგრძელებდა დაშვებას. სამწუხაროდ ეს ტრაგიკულად დასრულდა.", - აღნიშნა რუსმა გენერალმა.
