ბანკი „რესპუბლიკა" განაგრძობს თანამედროვე ხელოვნების განვითარების ხელშეწყობას და ფრანგულ-ქართული კულტურული კავშირების გაღრმავებას. ამჯერად, ბანკის მხარდაჭერით, ქართულ საზოგადოებას საკუთარ შემოქმედება წარუდგენა ხელოვანმა დავით ჯანიაშვილმა. ინსტალაცია „ქართულ-ფრანგული ანდაზები" შაბათს, 13 დეკემბერს, 3 საათზე, მარჯანიშვილის თეატრის ახალ სცენაზე გაიხსა.
ინსტალაცია სრულიად განსხვავებული, თანამედროვე სპეცეფექტებით გაფორმებული შოუა, რომელიც „სოსიეტე ჟენერალის" 150 წლის იუბილეს ეძღვნება. თანამედროვე ხელოვნების ორიგინალური ნიმუშები, რომლებიც ქართული და ფრანგული ანდაზების ვიზუალიზაციას წარმოადგენს, სპეციალურ ეფექტებთან და თანამედროვე მუსიკასთან ერთად განსაკუთრებულ გარემოს ქმნის და მნახველზე ძლიერ შთაბეჭდილებას ტოვებს. ინსტალაცია განათლების და ხელოვნების უნიკალური სინთეზია და ერთნაირად საინტერესოა როგორც ბავშვების, ისე უფროსებისათვის.
„ბანკი „რესპუბლიკა", თავისი სოციალური პასუხისმგებლობის პოლიტიკის ფარგლებში, სიამოვნებით განაგრძობს განათლების და თანამედროვე ხელოვნების განვითარებაში საკუთარი წვლილის შეტანას. დღეს ჩვენს კლიენტებსა და პარტნიორებს, ასევე ახალგაზრდა თაობას, სიამოვნებით წარვუდგენთ დავით ჯანიაშვილის ინსტალაციას. იმედია, განათლების და ხელოვნების ასეთი სინთეზი ჩვენს სტუმრებს სასიამოვნო სადღესასწაულო განწყობას შეუქმნის. ბანკი „რესპუბლიკა" მომავალშიც განაგრძობს საზოგადოებისათვის სასარგებლო პროექტების განხორციელებას", - აცხადებს ბანკ „რესპუბლიკის" კორპორაციული კომუნიკაციის დეპარტამენტის უფროსი თეიკო კანდელაკი.
