იტალიაში, ვილა ბორგეზეს პარკში, შოთა რუსთაველის მონუმენტი გაიხსნა. ძეგლი საქართველოს კულტურის, ძეგლთა დაცვისა და სპორტის მინისტრმა ნიკოლოზ რურუამ და რომის ვიცე-მერმა გახსნეს.
ცერემონიას საქართველოს ელჩი იტალიაში კოტე გაბაშვილი და ქართველი ემიგრანტები დაესწრნენ.
"მნიშვნელოვანია, რომ ქალაქში, რომელიც ცივილიზაციის აკვანია, დაიდგა გლობალური მასშტაბის გენიოსის, შოთა რუსთაველის ძეგლი და მან ეს დაიმსახურა", - განაცხადა რურუამ,
დღესვე გადაწყდა, რომ რომის ერთ-ერთ ქუჩას მალე თბილისის სახელი დაერქმევა.
აღსანიშნავია, რომ ვილა ბორგეზეს პარკში მთელი მსოფლიოს გენიოსთა 50-მდე მონუმენტია განთავსებული.
