მიმდინარე წლის 12 დეკემბერს, ფინანსთა მინისტრმა ნოდარ ხადურმა და ფინანსთა სამინისტროს შემოსავლების სამსახურის ახალმა ხელმძღვანელმა გიორგი თაბუაშვილმა გადამხდელთა მომსახურების სამმართველოს ქუთაისის სერვის-ცენტრში, შეხვედრა გამართეს შემოსავლების სამსახურის დასავლეთ რეგიონის სერვის-ცენტრების, გაფორმების ეკონომიკური ზონის და საბაჟო-გამშვები პუნქტების, აგრეთვე საგამოძიებო სამსახურის ხელმძღვანელებთან.
შეხვედრაზე მოისმინეს ინფორმაცია რეგიონში გადამხდელთა მომსახურების კუთხით არსებული ვითარებისა და ეკონომიკური აქტივობის შესახებ.
ფინანსთა მინისტრმა თითოეულ თანამშრომელს მოუწოდა გაძლიერდეს მუშაობა იმისთვის, რათა საბაჟო-გამშვებ პუნქტებსა და გაფორმების ეკონომიკურ ზონებში მოქალაქეებმა მიიღონ მაღალი დონის მომსახურება, არ ჰქონდეთ შეფერხებები როგორც ქვეყანაში შემოსვლის, ისე ტრანზიტის შემთხვევაში. ასევე, განსაკუთრებული ყურადღება მიექცეს ანტიკორუფციულ ღონისძიებებსა და კონტრაბანდის წინააღმდეგ ბრძოლის საკითხებს.
