პარლამენტი მიმდინარე წლის 20 დეკემბრამდე 2015 წლის სახელმწიფო ბიუჯეტის პროექტის განხილვას დაასრულებს. ბიუჯეტის პროექტის განხილვის პროცედურების შესახებ ბიუროს დღევანდელ სხდომაზე პარლამენტის თავმჯდომარემ, დავით უსუფაშვილმა ისაუბრა.
დავით უსუფაშვილის ინფორმაციით, პარლამენტში მთავრობამ უკვე შემოიტანა პროექტის საბოლოო ვარიანტი, რომელიც შესაბამისმა კომიტეტებმა გრაფიკის მიხედვით უნდა განიხილონ.
ბიუჯეტის პროექტის გარდა, დეკემბრის თვეში პარლამენტი მყარი ნარჩენების კოდექსისა და თანმხლები კანონპროექტების მეორე მოსმენით განხილვას გეგმავს. მეორე მოსმენით არის გათვალისწინებული ასევე საგადასახადო კოდექსში შესატანი ცვლილებების განხილვა.
