აბაშიძე-კარასინის ფორმატი უნდა გადაიხედოს, - ამ განცხადებით, საქართველოს საგარეო საქმეთა ყოფილი მინისტრი მაია ფანჯიკიძე რუსეთსა და აფხაზეთის დე-ფაქტო რესპუბლიკას შორი ე.წ. მოკავშირეობის და სტრატეგიული პარტნიორობის შესახებ შეთანხმების გაფორმებას ეხმიანება.
როგორც ფანჯიკიძემ დღევანდელ დღევანდელ პრესკონფერენციაზე აღნიშნა, რუსეთის ეს ნაბიჯი არის საქართველოს ანექსიის მცდელობა.
"აბაშიძე-კარასინის ფორმატი უნდა გადაიხედოს. არ ვიტყოდი კატეგორიულად, რომ უნდა გაუქმდეს, მაგრამ საქართველოს შიგნით, ხელისუფალთა შორის უნდა გაიმართოს კონსულტაციები და უნდა დადგინდეს არის თუ არა ამ ეტაპზე ამ ფორმატის განხორციელება მიზანშეწონილი და თუ არის, მაშინ, როგორ შეიძლება აისახოს ამ ფორმატზე მიმდინარე მოვლენები", - განაცხადა ფანჯიკიძემ.
მისივე თქმით, აუცილებელია, სამხრეთ კავკასიაში ევროკავშირის სპეციალურ წარმომადგენელთან და ჟენევის მოლაპარაკებების თანათავმდჯომარეებთან გაიმართოს კონსულტაციები, რათა გაირკვეს, რამდენად არის ჟენევის მოლაპარაკებების რიგგარეშე სხდომის გამართვის შესაძლებლობა.
