ბათუმში, აღმაშენებლის 5- ში საცხოვრებელი კომპლექსის მშენებლობა დაიწყო. პროექტს კომპანია "აჭარა დეველოპმენტი" ახორციელებს და მისი ღირებულება 5 მილიონ ლარია. 25000 კვ/მ მეტრის მოცულობის სახლი 18 სართულიანი იქნება. აჭარის მთავრობის ინფორმაციით, პროექტის მშენებლობის წარმოება ადგილობრივი მოქალაქეებისათვის დამატებით 100 -მდე სამუშაო ადგილს შექმნის. სახლის მშენებლობა 20 თვეში დასრულდება. საცხოვრებელი ფართების სარეალიზაციო ფასი 350 აშშ დოლარიდან დაიწყება. შესაძლებელი იქნება 24 თვიანი შიდა უპროცენტო განვადებაც.
კომპანიის მიერ სამომავლოდ, ბათუმში დაახლოებით 250,000 კვ/მ - ის საცხოვრებელი ფართის მშენებლობაა დაგეგმილი, რაც 500-მდე ადგილობრივი საქართველოს მოქალაქის დასაქმებას უზრუნველყოფს.
საცხოვრებელი კომპლექსის საძირკვლის ჩაყრას აჭარის მთავრობის თავმჯდომარე არჩილ ხაბაძე, აჭარის ფინანსთა და ეკონომიკის მინისტრი დავით ბალაძე, ბათუმის მერი გიორგი ერმაკოვი და სხვა ოფიციალური პირები დაესწრნენ.
