რუსეთისა და აფხაზეთის დე-ფაქტო რესპუბლიკას შორის "მოკავშირეობისა და სტრატეგიული პარტნიორობის შესახებ" ე.წ. შეთანხმებას ხელმოწერას, ნატო-ს გენერალური მდივანი იენს სტოლტენბერგი ეხმიანება.
როგორც იენს სტოლტენბერგის განცხადებაშია აღნიშნული, ნატო კიდევ ერთხელ მოუწოდებს რუსეთს, გადახედოს სამხრეთ ოსეთისა და აფხაზეთის რეგიონების აღიარებას და საქართევლოს ტერიტორიიდან ჯარები გაიყვანოს.
"ნატო სრულად უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში. აქედან გამომდინარე, ჩვენ არ ვაღიარებთ 24 ნოემბერს გაფორმებულ სტრატეგიული პარტნიორობის შესახებ ე.წ. ხელშეკრულებას
ე.წ. ხელშეკრულების პირობები არ უწყობს ხელს საქართველოში არსებული კონფლიქტის მშვიდობიან და გრძელვადიან მოგვარებას. პირიქით, ის არღვევს საქართველოს სუვერენიტეტსა და ტერიტორიულ მთლიანობას და აშკარად ეწინააღმდეგება საერთაშორისო სამართლის ნორმებს, ეუთო - ს პრინციპებს და რუსეთის მიერ ნაკისრ საერთაშორისო ვალდებულებებს.
ჩვენ კვლავ მოვუწოდებთ რუსეთს გადახედოს სამხრეთ ოსეთისა და აფხაზეთის რეგიონების დამოუკიდებელ სახელმწიფოებად აღიარებას და გაიყვანოს ჯარები საქართველოს ტერიტორიიდან", - ნათქვამია ნატო-ს გენერალური მდივნის იენს სტოლტენბერგის მიერ გავრცელებულ ოფიციალურ განცხადებაში.
