გიორგი ჩოგოვაძის კანდიდატურა ტურიზმის ეროვნული ადმინისტრაციის ხელმძღვანელის პოსტზე კონკურსის შედეგად 31 კანდიდატს შორის შეირჩა. საკონკურსო კომისიაში, სამთავრობო უწყებების გარდა, ტურიზმის სფეროში მომუშავე არასამთავრობო ორგანიზაციების წარმომადგენლებიც შედიოდნენ.

ტურიზმის ეროვნული ადმინისტრაციის ახალმა ხელმძღვანელმა გიორგი ჩოგოვაძემ ჟურნალისტების შეკითხვებს უპასუხა.

***
გიორგი ჩოგოვაძე ESM-ის კურდამთავრებულია და მინიჭებული აქვს ბიზნესის მართვისა და ბიზნესის ადმინისტრირების მაგისტრის წოდება. 1993-97 წლებში გავლილი აქვს პრესტონის უნივერსიტეტის და ESM თბილისის ერთობლივი პროგრამა.

გიორგი ჩოგოვაძეს მდიდარი სამუშაო გამოცდილება აქვს ბიზნესის სექტორში. კერძოდ: 2004-2008 წლებში მუშაობდა კომპანია „ფროფერთი მენეჯმენტის" დირექტორის თანამდებობაზე, ამასთან, ის კომპანიის თანადამფუძნებელია. 2008-2010 წლებში გიორგი ჩოგოვაძეს შპს „ბიზნეს პროტოკოლის" გენერალური მენეჯერის პოზიცია ეკავა, 2009-2011 წლებში იყო „საერთაშორისო სავაჭრო პალატა საქართველოში"-ს ღონისძიებებისა და საზოგადოებასთან ურთიერთობის კომისიის თავმჯდომარე, 2012-2014 წლებში კი - შპს „ცენტრალ თრეველის" გენერალური მენეჯერი.

გამოქვეყნებული აქვს რამდენიმე ნაშრომი და პუბლიკაცია, მათ შორის ტურისტული სფეროს განვითარების შესახებ.

გიორგი ჩოგოვაძე დაოჯახებულია, ფლობს ინგლისურ და რუსულ ენებს.