"ნაციონალური მოძრაობის" ოფისთან არასამთავრობო ორგანიზაცია „თავისუფალი თაობის" დაკავებული აქტივისტები გათავისუფლებული არიან. ისინი აკავებიდან რამდენიმე საათში, ხელწერილის დაწერის შემდეგ გაათავისუფლეს, თუმცა ოთარ შენგელიასა და ვახტანგ მითაიშვილს მომხადრი ინციდენტის გამო სასამართლოს წინაშე წარდგენა მოუწევთ.
„მივედით ნაციონალური მოძრაობის ოფისთან. გავაპროტესტეთ მათი 23 ნოემბერი, რევოლუციის დღე. სროლა იყო კვერცხების და პამიდვრების. შემდეგ დაგვაკავეს, გადაგვიყვანეს შინაგან საქმეთა სამინისტროს შენობაში. არანაირი ზეწოლა არ ყოფილა სამართალდამცველების მხრიდან. ხელწერილის საფუძველზე გაგვათავისუფლეს და 24 საათის განმავლობაში იქნება სასამართლო", - განაცხადა ორგანიზაციის ერთ-ერთმა წევრმა ვახტანგ მითაიშვილმა.
„თავისუფალი თაობის" წარმომადგენლების წინააღმდეგ საქმე 166-ე მუხლით არის აღძრული, რომელიც წვრილმან ხულიგნობას გულისხმობს.
