ევროკომისარი სამეზობლო პოლიტიკის გაფართოების საკითხებში შტეფან ფულე საქართველოს სახალხო დამცველს გიორგი ტუღუშს შეხვდა.
შეხვედრა სასტუმრო "თბილისი მარიოტში" გაიმართა. ტუღუშმა ევროკომისარს საქართველოში ადამიანის უფლებათა დაცვის მხრივ არსებული ვითარება გააცნო.
"ჩვენ ვისაუბრეთ ადამიანის უფლებებზე, კანონის უზენაესობაზე, რაც ყოველთვის იყო და რჩება ევროკავშირის პრიორიტეტად. ამასთან, საუბარი შეეხო სახალხო დამცველის ახლა ანგარის, რომელიც საქართველოს პარლამენტს გადავუგზავნე", - განაცხადა გიორგი ტუღუშმა.
ამასთან, ევროკომისარი დღესვე ვიცე-პრემიერ გიორგი ბარამიძეს და განათლების მინისტრს დიმიტრი შაშკინსაც შეხვდება. შეხვედრები დაგეგმილია პოლიტიკური პარტიების და საზოგადოების წარმომდგენლებთანაც.
ევროკომისართან შეხვედრაზე ერთ-ერთი ძირითადი განსახილველი საკითხი ოკუპირებულ ტერიტორიებზე არსებული ვითარება იქნება.
