ვფიქრობ, ღიად უნდა ჰქონდეს შინაგან საქმთა სამინისტროს ან უსაფრთხოების სამსახურს ერთი გასაღები, ხოლო მეორე- მაკონტროლებლის ხელში უნდა იყოს, - ამის შესახებ, ექსპერტმა კავკასიის საკითხებში მამუკა არეშიძემ დღევანდელ პრესკონფერენციაზე, საპარლამენტო უმრავლესობის მიერ მომზადებული კანონპროექტის შეფასებისას განაცახდა.
არეშიძის თქმით, ერთ-ერთი მაკონტროლებელი სასამართლო უნდა იყოს.
"ძალიან დიდი მნიშვნელობა აქვს პასუხისმგებლობის საკითხს. ამიტომაც ქვეყნის უსაფრთხოების სისტემა ოფიციალუარდ უნდა იყოს ამაზე პასუხისმგებელი. ერთი გასაღები უნდა ჩაბარდეს უშიშროებას და ოფიციალურად პასუხი მას უნდა მოეთხოვოს. რაც შეეხება მეორე გასაღებს, ვის ექნება, მეორე გასაღები ეს საზოგადოებრივი კონსესუსის თემა უნდა გახდეს. მე წინააღმდეგი არ ვარ პერსონალური სისტემების ინსპექტორის არსებობის, ვთვლი რომ გარკვეული ხიბლი და ინტერესი ამ ორგანიზაციას აქვს", -განაცახადა არეშიძემ.
უმრავლესობის მიერ მომზადებული კანონპროექტის მიხედვით, პერსონალურ ინფორმაციაზე წვდომა პერსონალური მონაცემების დაცვის ინსპექტორს და შსს-ს ექნება, თუმცა მოსმენის ნებართვას ორივე შემთხვევაში სასამართლო გასცემს.
